Zexta dewleta Elman a li ser Kurdan wê bê nîqaşkirin

Siyaseta krîmînalîzekirinê ya ku dewleta Elman li ser Kurdan dimeşîne, roja Yekşemê wê li bajarê Hannoverê bi konferansekê bê nirxandin.

Li Elmanyayê, zext, qedexe û darizandina Kurdan dema dawî zêde bûye. Ji aliyekî ve hevkariya leşkerî, siyasî û aborî ya bi desthilatdariya Erdogan re didomîne, li aliyê din jî Kurdên ku bi pirsgirêka Kurd re eleqedar in û ji têkoşîna azadiyê ya Kurd hez dikin, piştgiriyê didin têkoşîna azadiyê, krîmînalîze dike.

Ev polîtîkayên dewleta Elman wê li konferansekê bê nirxandin, ku hiqûqnas, siyasetmedar û nûnerên saziyên civakî yên sivîl wê tevlî bibin. Konferans wê bi sernavê “Em li ber krîmînalîzekirina tevgera Kurd rabin” di 27’ê Îlonê de li bajarê Hannoverê pêk were.

Konferan ji aliyê Buroya Hiqûqê ya Azadî, Komeleya Biratî ya li Bremenê û Komeleya NAV-DEM’ê ya Hannoverê ve tê lidarxistin û wê li Navenda Çandê ya Pavîllonê tevahiya rojê dewam bike.

GELEK KES TEVLÎ KONFERANSÊ DIBIN

Konferansa ku wê saet 11’an dest pê bike, wê bi beşdariya van kesayetan pêk were: “Parêzer Sven Adam, Wezîra berê ya Edaletê ya Saksonya Jêrîn Heîdî Merk, Parlamentera Partiya Çep a Eyaleta Hambûrgê Cansû Ozdemîr, Hevserokê KON-MED’ê Tahîr Koçer, ji Kampanya Halîm Dener Dîrk Wîttenberg û ji Komeleya Azadî Heîke Geîsweîd.

Her wiha ev partiyên siyasî, komele, saziyên civakî yên sivîl piştgiriyê didin konferansê: Antifaschistische Aktion Lüneburg/Uelzen, Buntes Haus Celle, Ermittlungsausschuss Hannover, Konseya Penaberan a Saksonya Jêrîn, Meclîsa Jinan a Ronahî ya Hannoverê, Rêxistina Ciwanan a Partiya Keskan a Saksonya Jêrîn, Çep a Destwerdanê ya Hannoverê (Interventionistische Linke), Weqfa Rosa Luxemburg a Saksonya Jêrîn, ROTE HILFE Bremen, ROTE HILFE Hannover, YXK/JXK Hannover.

Kaynak: ANF HABER

Previous articleOperasyonên qirkirina siyasî: Gelek kes hatin destgîrkirin -NÛ BÛ II
Next articleHannover: Tagung gegen Kriminalisierung der kurdischen Bewegung